AYUNE GAWE WIRANG

Tetembungane agawe ngabangake kuping

Lamise lambe agawe abang raine

Sanadyan ayu

Nanging ati dhonghong

Kenya kang adol ayu

Gedhe endase

Agawe pedhes rembuge

Wirang tanggane

Wirang wong tuwane 

KAMURKAN

Sakabehing kang ana ing salumahing bawana musnah asirna muna

Laksan jiwa kabidung laya

Bandha donya sirna tanpa tabet

Apa iki benduning Sang Cipta ?

Apa dene jagad tan arsa sinarawungan mring janma

Sapa kang kudu nyangga samubarang kadadean iki ?

Apa manungsa ? apa dene jagad ?

Cakra panggilingan tansah mubeng

Arsa tan arsa manungsa kang kudu nyangga

Iki pratandha Gusti wiwit duka 

DEG-DEG SER

Dak lungguhi bangku ana sandhinge

Dak sawang-sawang dheweke

Remeng-remeng cedhak banget

Tan mesem tan gumuyu

Dheweke angimbangi panyawangku

Tangane banjur ngelus-elus sirahku

Samsaya medun, saiki ngemek-emek pangarasku

Lambeku, terus gumantung ing janggutku

Atiku trataban, seseg anggonku ambegan

Mbekas mbekus

Kebak rasane ngrembaka ngesek jero dhadha

Tangane kang nggesrek kulitku gawe getere jantung lan urat sakojur 

KANCAKU

Kenya kang ayu

Kadya tirta anteng hangintirake

Kanca dolanku kanca nangisku

Kanca kenthelku

Kanca kang ora bisa dak temu saprene umurku

Ana susah ana seneng

Bocah wadon kuwi ana ing sandhingku

Ngrungokake sambatku

Kanca kang sejati

Wahyu

IMPEN WAYAH SURUP

Sumbribite angin wayah surup katon cetha swarane

Wus wus wus

Manuk manuk bali marang suwuhe

Pitik pitik bali menyang kandange

Swarane manuk deruk katon ambyar

Sumunare rembulan madhangi olehku turu dhuwur amben kayu

Anambahi endahing impenku wayah surup

Impen dadi wong duwe bisa tuku apa wae

Impen-impen kang dadi gegayuhanku

Impen nalika aku sugih

Nanging impen mau dadi muspra

Amarga simbok nggugah saka nendraku

SATRIYA NING ATI

Nadyan priya, rigmane dawa

Ireng semu abang

Kulite sawo mateng

Pasuryane manis

Guyune kang nengsemake

Kepenak yen disawang

Nadyan ora lemu

Nanging katon gagah

Kaya satriyane majapahit

Agawe ceblok katresnan

Nalika weruh esemme