CERITA CEKAK

Ratna kuwi bocah kelas 3 SMA ing salah sijining SMA sing ana ing kutha Semarang. Ratna saben dinane mangkat sekolah gawa sepedha motor. Dheweke bocah sing sregep la mandiri. Ratna ora seneng ngrepotake kanca-kancane opo maneh wong tuane. Ratna kelebu bocah sing duweni prestasi ing sekolahane.

            Umure Ratna nembe 18 taun. Ratna urip ing kaluarga sing pas-pasan. Bapake kerja bangunan lan ibune mung momong ponakan-ponakane anake mbakyune. Saben sasine Ratna kuwalahan kanggo bayar SPP sekolahe. Bapak ibune saben sasi utang sedulur-utawa tangga-tanggane. Ratna sedhih karo kahanan iki. Nanging dheweke ora bisa apa-apa amarga Ratna isih ing bangku sekolah. Ratna mung bisa ngewangi ibune momong ponakane utawa resik-resik omahe.

            Isuk kuwi sadurunge Ratna mangkat sekolah,ratna diundang ibune. Bapake Ratna lara lan ora bisa apa-apa. Ratna kaget lan sedhih. Ratna ngundang mbakyune. kekarone padha nangis ing jero omah. Ratna banjur marani sedulure amarga bapake wis ora bisa apa-apa. Sedulure teka banjur bapake diajak ning grya sakit. Ing grya sakit jarene penyakite kuwi jantung. Ratna sansaya sedhih bapake duweni penyakit sing kaya mangkno.

            Dina iki Ratna ora mlebu sekolah amarga bapake kudu dirawat ing grya sakit. Seminggu kepungkur bapake durung bali-bali. Ratna sedhih ngadhepi pacoban urip sing kaya mengkono. Ratna saben bali sekolah bablas ing grya sakit nggenteni ibune sing jaga. Banjur bengine ganti sedulure sing jaga.

            Wis seminggu punjul telung dina bapake durung ana perkembangan. Dokter ing grya sakit ngakon supaya bapake dirujuk ing grya sakit liyane. Banjur ora suwe,bapake Ratna dipindhah ing grya sakit liya. Ratna saya sedhih lan kepontang panting. Mbakyune ora bisa prei kerja kanggo nggenteni njaga bapake. Dadi,Ratna kudu njaga bapake saben dinane. Ratna nganti diajak wira-wiri ibune tekan ngendi-ngendi kanggo golek obat. Nanging durng ana sing mandi.

            Bapake Ratna wis ana sewulan ing grya sakit. Biayane uga ora cukup sethik. Banjur sedulure ngajak rembugan ibune Ratna supaya bapake Ratna diajak bali wae. Ibune Ratna nyanggupi amarga wis ora ana biaya maneh kanggo berobate.

            Bapake Ratna diterake bali nganggo ambulans. Ratna lan mbakyune ngetutake ing mburine. Ibune ing njero ambulans ngancani bapake. Ing ngomah wis ana tangga-tanggane sing ngenteni tumekane bali keluargane Ratna. Ratna seneng amarga tangga-tanggane isih pada peduli marang keluargane.

            Bapake diturokake ing kasur njero kamar. Bapake njaluk supaya pada mlebu ngancani bapake ing kamar kuwi. Banjur padha gelaran klasa ing ngisorane amben bapake. Kabeh padha ndunga supaya bapake Ratna bisa kuwat nglawan pernyakite. Ratna nunggoni ing sisihe bapake. Bapake ngajak omong Ratna lan ngandhani supaya Ratna sabar lan bisa dibanggakake wong tuane. Bapake uga pesen supaya Ratna njaga ibu lan mbakyune. ratna sedhih ngrungokake kandhane bapake mau. Ratna banjur nyikep bapake.

            Ora suwe,dina jemuah bengi,jam 12 bapake njaluk ngombe okeh banget. Ratna sing gemati kuwi ndulang bapake wedang putih. Let sedhela bapake njaluk pamit meh turu. Banjur tangane disedhekukake. Ratna mbalekake tangane bapake lan dilurusake. Nanging dibalekake maneh karo bapake tangane kuwi. Banjur bapake merep. Kabeh sing ning kana padha meneng. Pakdhene Ratna nyedhaki bapake jebule bapake wis ora ambegan maneh. Ibune Ratna semaput. Ratna mung meneng ora nangis lan ora ngguyu. Banjur nalika Ratna nyedhaki bapake,Ratna tiba nangi lan nangis kejer. Isuke bapake dimakamake ing cedhak omahe. Kanca-kanca sekolahe padha teka nanging Ratna isih meneng wae nglamun . ratna durung bisa narima pacobaan iki. Ratna disikep gurune lan Ratna lagi iso nangis.

            Sakwise mitung dina bapake,Ratna lagi mlebu sekolah. Ratna disikepi bapak ibu gurune lan kanca-kancane. Kabeh padha nyemangati Ratna supaya Ratna ora sedhih maneh. Ratna seneng lan guyon-guyon karo kancane. Nalika Ratna meh mlebu kelas,Ratna diundang karo wali kelase. Ratna dikandhani yen biji-bijine mudhun kabeh amarga Ratna ora tau mlebu melu ulangan lan liya-liyane. Ratna njalk ngapura karo wal kelase amarga dheweke lagi nampa musibah. Wali kelase Ratna ngerteni lan nuntunRatna supaya dheweke bisa nerusake sekolan lan bijine apik meneh.

            Nalika Semesteran,Ratna bisa dadi ringking siji. Ratna uga intuk beasiswa kanggo sekolahe nganti lulus. Ratna seneng banget banjur matur ibune ing grya. Ibu seneng ngerti anake duwe prestasi sing bisa dibanggakake.